Proposta de Axuntar na Iniciativa “Camíos entre versos i llouxas” 2023
da Asociación Forum Boal 3000.

Un ano máis Axuntar, asociación prá normalización del gallego de Asturias, quere partcipar na guapa
iniciativa que organizades dende a asociación Forum Boal, nel ámbito de Asturias, capital mundial da poesía.
Neste ano queremos valorizar un segunso tramo da ruta que xa escollemos el ano pasado e que se concreta
en cantarlle con poesías de poetas locales al Monte Penácaros e difundir, a través dos sous topónimos, el
patrimonio histórico, cultural idiomático e inmaterial del Concello de Boal.
Na contornada de Penácaros, temos Pena da Escuita (e a súa llenda), el Campo da Llouxa, El chao das
Arcas, El Penedo Queimado, Chao del Penedo, A Carballeira Escura, A Fongallega, El Regueirín, As
LLamiceiras, a Fontarica, ou LLabiada… son topónimos que nos contan llendas, nos falan de en encantos,
fontes, regueiros, de Castros, de tumbas, arcas, lápidas, penedos, enterramentos e, al fín e al cabo, da
importante información e valor inmaterial deste lugar. Aquellos que habitaron este territorio dende hai miles
de anos deixaron as súas marcas, el sou legado. En Penácaros temos úa tumba solitaria que se sitúa a
mitá de camín entre as mámoas da serra da Bobia (Pena de Relaio, Pedra Dereita,… que chegan asta a
necrópolis de Penouta e Pena dos Xugos) e as necrópolis del outro llado del Navia (Dolmen de Cornías,
Dolmen da Gubia, Campo de Maún, Couso de Reigoto -xa na zona de Fontes Cavadas-). Deste xeito temos
neste espacio un monte emblemático que se sitúa na parte central del Concello e que descubre os sous
enigmas simplemente pra quen los quera pronunciar ou escuiitar; Penácaros, Pena da Escuita e Campo das
Arcas son parte de ese legado.
Penácaros, entre 650 e 700 metros coas súas necrópolis forma parte de úa historia non divulgada entre a
que tá el famoso Puñal de Penácaros atopado por Félix Fernández Siñeriz na década dos anos 60. Respetar
a toponímía é cuidar el noso pasado e el noso futuro cultural.
Presentamos tres poemas de Marta Ledo Jardón, (Miñagón), Begoña Martín Acero (Boal) e Quique Roxíos
(Roxíos). Serán colocados en lugares axeitados ás bases da convocatoria.